Salatë me shalqi, djathë të bardhë dhe mente
1. Në një tas të madh, vendos kubet e shalqirit. 2. Shtoni sipër djathin e thërrmuar dhe gjethet e mentes. 3. Spërkatni me vaj ulliri dhe lëng lime. 4. Shtoni një majë kripë dhe pak piper të zi nëse...
Semifredo e shpejtë me limon
Semifredoja e shpejtë me limon është ëmbëlsira perfekte për periudhën kur nis të bëhet vapë, si një digestiv i mirë në fund të vakteve dhe e përshtatshme edhe për ata që janë në dietë dhe duan të bëjnë një thyerje të vogël të rregullave.
Ingredientët
- 5 gr fletë xhelatine
- pak kripë
- 1 limon
- 1,5 dl pana për ëmbëlsira
- 100 gram sheqer
- 200 gram ricotta
- 2 vezë
- pak lëkurë limoni e sheqerosur
- pak mente
Udhëzimet
1
Thyeni vezët dhe ndani të bardhat nga të verdhat. Të verdhat rrihini bashkë me lëkurën e grirë të një limoni dhe 50 gram sheqer. Ndërkohë shkrini xhelatinën (të cilën paraprakisht e keni lënë në ujë dhe e keni shtrydhur) në gjysmë dl pana të ngrohtë.
2
Bashkojini masës së të verdhave të rrahura edhe 200 gram ricotta, lëngun e 1 limoni dhe përbërjen me xhelatinë e pana. Shtoni pastaj pjesën e mbetur të panës së rrahur dhe në fund, dy të bardhat e rrahura marengë me pak kripë dhe 50 gram sheqer.
3
Vendosni përbërjen në një enë drejtkëndore me masë 1l të cilën e keni veshur me qese kuzhine më parë. Lëreni në frigorifer për 8 orë. Më pas servireni në formë kubi me lëkura limoni të sheqerosura dhe gjethe mesteje të freskët.
Lini një koment