Sugjerojmë:

Sallatë me fiq të pjekur dhe rukola

Për sallatën: 10 fiq
2 lugë gjelle gjalpë të shkrirë (pa kripë)
1 lugë e gjysmë me sheqer
¼ lugë me kanellë
2 degë rozmarinë të freskëta
100 gram rukola
100 gram djathë dhie
3 feta proshutë
Pak kripë, piper
Përbërësit për salcën:
1 lugë gjelle mustardë
3 lugë gjelle me uthull
1 lugë gjelle mjaltë.
1 lugë gjelle me vaj ulliri
Pak kripë dhe piper

1.Për përgatitjen e salcës, mjafton të kombinoni të gjithë përbërësit në një enë dhe trazojini mirë. I lini për pak minuta mënjanë.

2.Ndërkohë në një tavë shtoni fiqtë e përgjysmuar së bashku me gjalpin dhe i fusni në furrë për 10 minuta. Poshtë tavës vendosni një letër pjekjeje.

3.Përzieni kanellën dhe sheqerin dhe më pas ia shtoni fiqve. Këto të fundit i lini derisa të zbuten. Pasi të jenë gati shtoni proshutën e prerë hollë dhe rukolën e larë mirë. Tani shtoni djathin dhe i trazoni mirë.

4.Shtoni pak kripë e piper. I përzieni me kujdes.

5.E kaloni sallatën në një enë tjetër të pastër dhe tani është koha t’i shtoni salcën që përgatitët pak më parë.

6.Sipas dëshirës mund ta lini edhe për pak minuta në frigorifer që të ftohet. Shijojeni.

Lini një koment