Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Puding i shijshëm me mollë të karamelizuara dhe arra
Recetë e një ëmbëlsire kaq praktike dhe joshëse deri në grimcën e fundit. Ju bëftë mirë!
Ingredientët
- 2-3 mollë
- 70 gram sheqer
- 1/2 lugë kafe kanellë
- 1 lugë gjelle ujë
- Arra
- Pudingu:
- 800 ml qumësht
- 5 lugë gjelle niseshte
- 4 lugë gjelle sheqer
- 3-4 pika ekstrakt vanilje
- 1 lugë çaji gjalpë
Udhëzimet
1
Lajmë dhe qërojmë mollët, i presim ato në kubikë dhe i vendosim në një tigan duke shtuar në të sheqer, kanellë, ujë dhe i trazojmë.
2
Më pas vendosim kapakun duke i lënë të ziejnë për 5 minuta në temperaturë mesatare. I trazojmë deri sa molla të karamelizohet.
3
Në një tenxhere vendosim qumështin duke lënë pak mënjanë për të tretur niseshtenë. Shtojmë tek qumështi sheqer, 3-4 pika ekstrakt vaniljeje dhe e lëmë të ngrohet.
4
Ndërkohë tresim niseshtenë në pak qumësht dhe e shtojmë në qumësht duke e trazuar vazhdimisht që të formohet një masë homogjene.
5
Në një tas vendosim pak mollë të karamelizuara në fund të gotës. Shtojmë pudingun dhe përsëri vendosim mollë të karamelizuara duke i spërkatur me arra të thërrmuara. Ju bëftë mirë!
Lini një koment