Sugjerojmë:

Petulla mollësh

Petulla mollësh

Persona: 4
Koha e përgatitjes: 15 minuta Koha e gatimit: 15 minuta

Janë një mënyrë speciale dhe e shijshme për ta servirur këtë frut të artë, të prerë në feta dhe të zhytyr në një brumë kremoz. Rezultati? Shije e mirë që bashkon lëngun e mollëve me elegancën e kanellës dhe butësinë e brumit. Mund t’i gatuani dhe t’i shërbeni tek miqtë ose familjarët ndërkohë që hapni një shishe verë.

Ingredientët

  • 2 mollë jeshile
  • lëngu i 1 limoni
  • 30 gr sheqer
  • pak kanellë pluhur
  • Për brumin:
  • 150 gr miell
  • pak kripë
  • 200 ml qumësht
  • 2 vezë
  • 8 gr pluhur fryrës për ëmbëlsira
  • Prë skuqjen
  • vaj luledielli

Udhëzimet

1

Për t’i përgatitur petullat e mollëve, nisni me brumin: Në një tas qelqi rrhihni vezët, shtoni qumështin, pak kripë, si dhe sitni miellin.

2

Shtoni pluhurin pjekës dhe përzjeni të gjithë përbërsit me rrahëse veze derisa të merrni një brumë homogjen dhe pa kokrriza.

3

Sapo të jetë gati, lëreni mënjanë brumin. Shtrydhni lëngun e limonit që do t’ju shërbejë për të mos u nxirë mollët. Më pas qëroni mollët dhe me një prerëse mollësh ose majë thike hiquni mesin pa u prishur formën, në mënyrë që merrni disa forma rrethore me vrimë në mes.

4

Pritini në trashësi 5 mm, vendosini në një tavë dhe spërkatini me lëngun e limonit që të mos nxihen. Në një tenxhere vendosni vajin të nxehet në temperaturë 170 gradë. Për provë, vendosni vetëm një fetë molle që të siguroheni se e mbulon vaji. Më pas kalojini fetat e mollëve tek brumi duke u siguruar që të mbulohen mirë dhe skuqini në vajin e nxehtë. Gjatë skuqjes, kthejini nga ana tjetër.

5

Më pas vendosini në një letër kuzhine për të thithur vajin e tepërt. Në një tas të vogël përzieni 30 gr sheqer dhe pak kanellë pluhur për të aromatizuar petullat. Spërkatini ato me këtë përzierje.

Lini një koment