Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Penne me fileto pule dhe pesto
Pjatë e shijshme, që ju ngop dhe shumë e thjeshtë për tu përgatitur. E gjithë familja juaj do e pëlqejë!
Ingredientët
- 230 gram fileto pule
- 2 lugë gjelle vaj ulliri
- 1 pako penne
- 120 gram bizele (në formën e bishtajave)
- Kripë, piper për shije
- Për peston:
- 120 gram borzilok të freskët
- 4 lugë gjelle arra
- ½ filxhan me djathë parmexhano të grirë imët
- ½ avokado
- 1 luge gjelle lëng limoni
- Pak kripë
Udhëzimet
1
Në një tigan të thelle ngrohni vajin e ullirit. Shtoni mishin e pulës të ndarë në copa të vogla dhe e lini të skuqet për 8-10 minuta.
2
I shtoni kripë e piper dhe më pas e hiqni tiganin nga zjarri.
3
Në një tenxhere zieni bizelet për 10 minuta dhe kullojini. Më pas në një tenxhere tjetër zieni pennet me metodën e zakonshme në ujë e kripë.
4
Kullojini makaronat, por ruajeni ujin e tyre.
5
Në tiganin ku keni mishin e pulës shtoni pennet, bizelet dhe 3 lugë gjelle pesto. Për përgatitjen e pestos mjafton t’i përzieni për pak sekonda në blender, të gjithë përbërësit e saj dhënë në recetë.
6
Nëse pennet janë shumë të thata shtoni edhe dy lugë gjelle nga uji më të cilin i zietë.
7
I përzieni mirë, i shërbeni të ngrohta duke i shtuar sipër djathin e grirë. Ju bëftë mirë!
Shënime
Peston e mbetur mbajeni të mbyllur në kavanoz dhe mund ta ruani në frigorifer deri në 2 javë.
Lini një koment