Patëllxhanë dhe domate për një fërgesë të shijshme në pak minuta

Patëllxhanët i presim në kubikë të vegjël. Në një tigan të thellë hedhim gjysmën e sasisë së vajit. Shtojmë patëllxhanët dhe hudhrat.
I spërkasim me kripë dhe piper, vendosim kapakun dhe i lëmë patëllxhanët të zbuten.
Grijmë domatet në rende. Pasi të jenë zbutur patëllxhanët dhe të kenë ulur vëllimin i hedhim në një tavë dheu ku shtojmë domatet si dhe djathin e prerë në copa të mëdha.
E spërkasim me vaj ulliri dhe e vendosim tavën në furrë në temperaturën 200 gradë Celsius për rreth 30 minuta. Pasi të jetë gati e servirim me borzilok të freskët. Ju bëftë mirë!