Sugjerojmë:
Gjithkush ka një ushqim të preferuar nga i cili nuk mërzitet kurrë pavarësisht sesa i shëndetshëm apo i pashëndetshëm mund të jetë ai. Edhe njerëzit më të famshëm kanë ushqimet e tyre të preferuara, ndonjëherë të pazakonta.
Kështu edhe këngëtarja Dafina Zeqiri ka zbuluar shijen e saj ushqimore jo të zakontë për shqiptarët, sushit. Ajo ka treguar se pëlqen ushqimin aziatik dhe madje ka treguar edhe mënyrën si pëlqen t’i shërbehen.
Nëse edhe juve ju shkoi mendja për sushi si Dafinës, ja ku e keni recetën:
Në në tigan të thellë me ujë të valuar, shtoni orizin , posaçërisht për sushi.
E lini të ziejë mirë dhe më pas e kaloni në një enë qelqi.
Sipër i shtoni majdanozin, kastravecin e prerë imët dhe salmonin.
Trazojini mirë me një lugë gjelle.
Tani merrni një algë Nori.
Me anë të një luge vendosni në qendër, pak nga masa e përgatitur.
Vendosni tre rripa salmon të tymosur dhe 4 rripa kastravec.
Mbështilleni me kujdes në formë roleje.
Me një thikë e ndani në 4 pjesë.
Merrni një pjatë të pastër dhe vendosni në të një rrip kastravec dhe një rrip karotë.
Bëjeni tre herë këtë gjë.
Vendosni roletë e sushit e përgatitura dhe pak pomodorini.
Në fund i shtoni sipër pak salcë Soje dhe sushi është gati.
Lini një koment