Nuk na çudit aspak fakti që edhe personazhet e famshëm ashtu si ne janë të dashuruar pas ushqimeve tradicionale. Këngëtarja Aurela Gaçe ka treguar se “vdes” për kulaç me djathë dhe gjalpë, pavarësisht se ajo është shumë e kujdesshme me ushqimin dhe kaloritë e tepërta.
“Kur shkoj te mami i kërkoj të më bëjë kulaç. Vdes për kulaç me gjalpë dhe djathë” – është shprehur Aurela gjatë një interviste.
Mëposhtë keni recetën se si ta gatuani edhe ju kulaçin me djathë, të preferuarin e Aurela Gaçes:
Vendosim në një tas miellin, shtojmë pak pluhur pjekës, më pas shtojmë vezët, kosin, djathin e bardhë të thërrmuar dhe gjalpin.
E përziejmë brumin me dorë dhe e kontrollojmë nëse nevojitet të shtojmë pak më shumë miell.
Brumi duhet të jetë i plotë njësoj si brumë petash.
Realizojmë kuleçka të rrumbullakëta dhe i vendosim në një tavë me letër kuzhine.
I vendosim më pas në furrën e parangrohur në temperaturën 180 gradë të piqen për 15 minuta.
Lini një koment