Më në fund një përgjigje: Ja kur mund ta konsumojnë bebet mjaltin!

Që nga viti 2008, janë bërë shumë ndryshime në rregullat kur foshnjat mund të hanë ushqime të caktuara. Ju mund të befasoheni kur të mësoni se Akademia Amerikane e Pediatrisë (AAP) ka riklasifikuar shumë ushqime që dikur ishin të papranueshme për foshnjat derisa të rriteshin, sidomos pasi filluan të hanin ushqime të forta.

• Mjaltë për bebet pas moshës një vjeç
  Rekomandimi për kohën kur foshnjat mund të hanë mjaltë vazhdon të jetë pas moshës një vjeç. Kjo përfshin si mjaltin në formën e tij të papërpunuar ashtu edhe ushqimet e gatuara ose të pjekura me mjaltë. Manuali i Ushqimit Pediatrik AAP thotë, “Foshnjat më të vogla se 12 muaj duhet të shmangin të gjitha burimet e mjaltit.”

• Pse mjalti konsiderohet i pasigurt për foshnjat?
  Arsyeja për të vonuar mjaltin nuk është për shkak të shqetësimit mbi alergjitë ushqimore ose rreziqeve të mbytjes, por për një sëmundje serioze të quajtur botulizëm i foshnjave. Botulizmi i foshnjave shkaktohet kur foshnja merr spore nga një bakter i quajtur Clostridium botulinum.

Kjo baktere prodhon një toksinë brenda traktit tretës të foshnjës që mund të absorbohet në trup dhe të ketë efekte serioze në kontrollin e muskujve të foshnjës. Në raste ekstreme, të cilat janë të rralla, muskujt e frymëmarrjes mund të paralizohen. Nëse nuk ofrohet ndihmë mekanike, foshnja mund të vdesë. Shenjat dhe simptomat e botulizmit të foshnjave përfshijnë:

-Kapsllëku
-Shprehja e sheshtë e fytyrës
-Letargji në të ushqyerit ose një thithje e dobët
-Qarje e dobët
-Lëvizja e zvogëluar
-Probleme me gëlltitjen ose me derdhje të tepruar
-Dobësia e muskujve
-Probleme me frymëmarrjen

-Pse mjalti konsiderohet i sigurt pas moshës një vjeç?
Ndoshta po pyesni pse mjalti nuk është i sigurt për foshnjat nën moshën një vjeç, por i mirë për të gjithë të tjerët. Përgjigja qëndron në pjekurinë e aparatit tretës të foshnjës. Foshnjat e reja nuk kanë intensitetin e acideve në sistemin e tretjes që ndihmon në largimin e toksinave që bakteret prodhojnë. Pra, ndërsa të rriturit dhe fëmijët mund të trajtojnë sasi të vogla të ekspozimit, nuk është rasti me foshnjat.