Lulelakër në furrë me bajame e kanellë. E sigurt që do t’ju pëlqejë

Një perime fantastike për shëndetin tonë: përmban 25 kalori për 100 gramë. E shkëlqyer gjatë dietave, stabilizon presionin e gjakut dhe përmban plot vitamin e minerale.

Lulelakra ka shumë përdorime në kuzhinë dhe kjo recetë do t’ju bëjë ta shijoni më shumë:

• 1 lulelakër
• 1 thelpi hudhër
• 2 lugë gjelle majdanoz i grirë
• 50 gr bajame të qëruara
• 1 lugë kafeje kanellë pluhur
• Lëngu i një limoni
• 3 lugë gjelle vaj susami
• Kripë dhe piper i kuq

Përgatitja:

1. Prisni lulelakrën, lajeni dhe pasi e keni ndarë në copëza, gatuajeni në avull.
2. Kullojeni dhe vendoseni në një tenxhere bashkë me vajin, majdanozin, lëngun e limonit dhe kanellën.
3. Shtoni kripë dhe piper. Copëtojini bajamet dhe shtojini tek lulelakra. Lërini të vaken para se t’i shërbeni. Sipas dëshirës, shtoni edhe disa pika uthull balsamike.