Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Kungulleshka të mbushura sipas një recete të shijshme greke
Kjo recetë shkon për të gjithë ju që keni një dashuri për kuzhinën mesdhetare. Por edhe nëse keni një dobësi për kuzhinën greke, jeni në recetën e duhur.
Ingredientët
- 3 kungulleshka mesdhetare (të ndara përgjysmë)
- 2 filxhanë me mish pule të copëtuar
- 1 filxhan me domate qershizë të ndarë në katërsh
- 1 filxhan me kastravec të copëtuar
- 1/3 filxhan me ullinj
- 4 qepë të njoma
- 1 filxhan me djathë të grirë imët (parmexhano)
- 2 thelpi hudhra
- Lëkura e 1 limoni
- Lëngu i një limoni
- 2 lugë gjelle koper i grirë imët
- ½ filxhan me kos grek
- Vaj ulliri
- Kripë, piper
Udhëzimet
1
Parangrohni furrën në 200 gradë celsius.
2
Ndani kungulleshkat përgjysmë, i hiqni tulin dhe ruajeni kur të përgatisni ndonjë turli për drekë.
3
Merrni një tavë, vendosni një letër kuzhine, radhisni kungulleshkat dhe i spërkasni sipër me vaj ulliri. I shtoni kripë, piper dhe i fusni në furrë për 15 minuta.
4
Ndërkohë në një tas kombinoni djathin e grirë, domatet, kastravecin, ullinjtë, mishin e pulës, qepët e grira imët, hudhrat, lëngun e limonit dhe lëkurën, koprën dhe kosin.
5
I përzieni mirë dhe mbushni me to kungulleshkat.
6
I fusni në furrë edhe për 5 minuta të tjera dhe më pas i shijoni. Ju bëftë mirë dreka!
Lini një koment