Këto byreçka të mbushura me lakër dhe djathë të bardhë janë mrekullia vetë!

1.Në një tigan me pak vaj kaurdisim qepën të grirë hollë dhe shtojmë lakrën e grirë. E përziejmë së bashku derisa lakra të ulë volumin e saj.
2.Rregullojmë shijen me kripë. Grijmë karotat hollë dhe i shtojmë te lakra, shtojmë pak spec pikant, vazhdojmë përzierjen dhe në fund shtojmë selinonë të prerë hollë bashkë me gjethet e saj.
3.E lëmë për pak minuta në zjarr dhe më pas e shuajmë me 3 lugë gjelle uthull vere. E largojmë tiganin dhe transferojmë perimet gjysmë të gatuara në një enë që të ftohen.
4.Shtojmë djathin e thërrmuar, piperin e zi dhe e përziejmë mbushjen duke e lënë mënjanë.
5.Petën sfoliatë e hapim pak fare, e presim në katrorë me brinjë 12-15 cm.
6.Vendosim nga një lugë mbushje në qendër të çdo katrori, bashkojmë copat duke i lagur pak me ujë dhe duke i shtypur me pirun.
7.Kështu formojmë trekëndëshat.
8.E pjekim në temperaturë 200 gradë Celsius për 15-20 minuta. Ju bëftë mirë!