Sugjerojmë:
Ndizni furrën në temperaturën 180 gradë.
Në tas përzjeni me rrahësen e vezëve me dorë miellin, kakaon dhe fryrësin e kekut. Ndërkohë, në një tas tjetër rrihni vezët me sheqerin derisa të dyfishohet vëllimi.
Shtoni vajin dhe e përzjeni derisa masa të bëhet e njëtrajtshme.
Më pas hidhni te tasi me vezë miellin me kakao duke alternuar me radhë pak miell dhe pak qumësht.
Prisni dy dardha në kubikë dhe bashkë me copat e çokollatës i shtoni te brumi.
Pasi të shtroni një letër furre në tavë hidhni brumin dhe sipër tij vendosni dardhat e mbetura të prera në feta.
Piqeni kekun në furrë për 40 minuta.
Komento