Kastravecë në uthull: Një recetë ‘low cost’ dhe e shijshme

Kastravecët në uthull janë një recetë që kanë sukses kudo që t’i përdorni: si në një aperitiv, ashtu edhe në një sallatë, ata u japin pjatave një qasje origjinaliteti. Le të shohim si përgatiten në mënyrë të thjeshtë dhe ‘low cost’ për t’u dhënë më shumë shije pjatave tona.

Përbërësit:

• 1 kg kastravecë
• 500 ml uthull vere
• Kripë
• Piper kokërr
• 50 gr sheqer

Nëse përdorim kastravecë të mëdhenj

• Lani dhe thani kastravecët me një pecetë pambuku.
• Pritini në feta, vendosini në një kulluese makaronash dhe mbulojini me kripë.
• Vendosni një peshë në kulluesen e makaronave dhe lërini të qëndrojnë gjithë natën.
• Të nesërmen shpëlajini kastravecët dhe thajini me kujdes.
• Ziejini për 5 minuta më pas në uthull e sheqer.
• Vendosini fetat e kastravecit nëpër vazo me piper dhe hidhuni sipër uthullën e zier.
• Mbyllini kavanozat dhe lërini të qëndrojnë të paktën një muaj para se t’i përdorni.

Nëse përdorim kastravecë të vegjël

• Nëse keni blerë kastravecë të vegjël, lajini me kujdes dhe thajini me një leckë të thatë e të pastër.
• I vendosim në një kulluese makaronash, siç janë, pa i prerë dhe i lëmë gjithë natën me një peshë sipër.
• Pasi të ketë kaluar kjo kohë, i shpëlajmë me kujdes dhe i thajmë.
• I vendosim në vazo të sterilizuara bashkë me kokrrat dhe piperit dhe vendosim uthullën të ziejë.
• Më pas hedhim uthullën mbi kastravecë dhe mbyllim kavanozat.
• I lëmë në një vend të freskët për dy muaj.