Jahni me mish viçi: Si të gatuajmë pjatën tipike shqiptare

1.Me ndihmën e një letre kuzhine thani të gjitha lëngjet e mishit.

2.Më pas, vendosni një tenxhere me bazament të gjerë në zjarr dhe hidhni vajin e ullirit.

3.Lëreni të nxehet pak dhe hidhni mishin duke e kaurdisur derisa të skuqet.

4.Mishin lëreni të skuqet mirë nga të gjitha anët.

5.Më pas shtoni në tenxhere qepët e grira.

6.I kaurdisni derisa t’ju ulet volumi dhe të marrin ngjyrë të verdhë të artë, më pas shtoni patatet e prera në kubikë dhe i kaurdisni bashkë, e më pas domatet.

7.I përzieni derisa volumi i domateve të bjerë.

8.Shtoni salcën e domateve, kripën, një lugë uthull, piperin dhe gjethet e dafinës. Kaurdisini dhe shtoni ujin.

9.Në momentin që masa nis të vlojë, ulni zjarrin duke lënë që gjella të gatuhet në nxehtësi të ngadaltë.

10.Tenxheren mbulojeni me kapak dhe lëreni të ziejë në zjarr të avashtë, derisa mishi të jetë i butë.

11.Nëse doni që jahnia të jetë edhe më e lëngshme mund të shtoni edhe pak ujë tjetër, kjo varet nga preferenca juaj.

12.Kjo pjatë serviret e ngrohtë dhe për t’i shtuar edhe më shumë shijen mund t’i hidhen edhe disa pika uthull sipër.