Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Kek me spinaq
Është një mënyrë fantastike që fëmijët tuaj të hajnë spinaq, e mos ta kuptojnë fare. Ky kek spinaqi me krem është i thjeshtë, i shijshëm dhe i shëndetshëm gjtihashtu!
Ingredientët
- 150 gram spinaq
- 4 vezë
- 200 gram sheqer
- 200 ml vaj luledielli
- 1 lugë gjelle pure spinaqi
- 10 gram pluhur pjekës
- 5 gram vanilje
- 200 gram miell
- Për shurupin: 600 ml ujë, 2 filxhan me sheqer dhe lëngu i një limoni
- Për në sipërfaqe: 75 gram krem pluhur pasticerie, 200 ml qumësht
Udhëzimet
1
Fillimisht për të përgatitur shurupin vendosni ujin dhe sheqerin në një tenxhere dhe i lini të ziejnë.
2
Pasi të marin një valë shtoni lëngun e limonit dhe i zieni edhe për 5 minuta të tjera.
3
Lani spinaqin dhe e lini të thahet. I vendosni në një tigan dhe i lini të skuqen me lëngun e vet. Më pas i kaloni në blender dhe i bëni pure.
4
Për të përgatitur kekun me spinaq, në një enë të thellë rrihni vezët me sheqer derisa të bëhen shkumë. Shtoni vajin, purenë e spinaqit dhe e përzieni. Në fund shtoni vaniljen, pluhurin pjekës, miellin dhe e përzieni mirë.
5
Pas kësaj vendoseni kekun në një formë specifike dhe e fusni në furrë në temperaturë 170 gradë celsius për 40 minuta. Pasi të jetë pjekur e nxirrni jashtë dhe e lini të ftohet për 5 minuta.
6
Sipër i shtoni shurupin e ngrohtë dhe prisni derisa keku ta ketë absorbuar tërësisht shurupin.
7
Rrihni së bashku kremin pluhur dhe qumështin, sa të krijohet një krem dhe më pas e lini në frigorifer.
8
Vendoseni kremin në sipërfaqen e kekut dhe përhapeni mirë. Dekorojeni kekun dhe arra dhe shërbejeni. Shijojeni!
Lini një koment