Granita me kafe: receta e ftohtë e ditëve të nxehta

E shkëlqyer për të përballuar të nxehtin e ditëve të verës, granita me kafe është një ëmbëlsirë e shijshme, ideale për të mbyllur vaktet ose për t’u servirur si një vakt zemre gjatë verës.

E thjeshtë për t’u përgatitur, edhe pa makineri akulloreje, për ta bërë më të shijshme mund ta shoqëroni me pana bimore ose kokos. Më poshtë do të gjeni recetën se si ta përgatisni pa sheqer të rafinuar dhe  qumësht.

Përbërësit:

• 250 ml kafe e ftohur
• 100 gr sheqer kane
• Kanellë e bluar
• Vanilje pluhur

Përgatitja:

1. Hidhni në një tenxhere 250 ml ujë me sheqerin e kanës, shtoni pak kanellë, vanilje dhe vendoseni të ziejë. Hiqeni nga zjarri, shtoni kafenë, përziejeni dhe lëreni të ftohet.
2. Hidheni masën në një tas qelqi dhe futeni në ngrirje.
3. Çdo 40 minuta, nxirreni nga ngrirja dhe më pas futeni në frigorifer. Veproni kështu derisa granita të marrë konsistencën e duhur.