Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Frapeja me luleshtrydhe është një pije freskuese dhe delikate e përgatitur me qumësht të ftohtë, luleshtrydhe të freskëta, sheqer dhe akull.
Të gjithë përbërësit frulohen bashkë për të krijuar një pije kremoze dhe detoks, ideale për t’u shijuar në një pasdite vere, ndoshta në pishinë me një grup miqsh. Për të kënaqur gjithë familjen mund ta përgatisni edhe në variantin me banane ose fruta pylli.
Përbërësit:
- 250 gr luleshtrydhe
- 180 gr qumësht
- 5 gr sheqer
- 50 gr akull
Përgatitja:
- Për të përgatitur frapenë me luleshtrydhe, nisni nga pastrimi i frutave. Lajini mirë luleshtrydhet dhe hiquni pjesën jeshile, më pas pritini më katërsh dhe lërini mënjanë.
- Më pas vendosni akullin në një mikser, shtoni luleshtrydhet e prera e më pas qumështin.
- Në fund shtoni sheqerin dhe kalojini në mikser derisa të merrni një përbërje kremoze dhe homogjene. Hidheni masën nëpër gota dhe dekorojini me luleshtrydhe. Shërbejini të ftohta frapetë. Këshillohet të pihet menjëherë për të mos u oksiduar frutat!
- Sipas dëshirës, për ta bërë frapenë më kremoze, mund t’i shtoni pak akullore.
Lini një koment