Tiramisuja është një ndër ëmbëlsirat më të preferuara në vendin tonë. Ajo rezulton gjithashtu edhe si një ndër më të shiturat në pastiçeritë e vendit dhe shumë e konsumuar edhe në restorante.
Shija e biskotave specifike për tiramisunë, kafeja, por edhe një sërë elementësh të tjerë e bëjnë këtë ëmbëlsirë të njohur italiane, t’i meritojë të gjithë komplimentet.
Tani e vërteta është, se kur e përgatit vetë, merr dyfsh kënaqësi.
Prandaj, si thua, nisim nga puna?
Çfarë na nevojitet:
500 gram djathë Mascarpone
6 vezë të freskëta (të verdhat veç nga të bardhat)
1 pako Hoopla
120g sheqer
4 lugë kafe turke ose ekspres (të zierë për 5 minuta në një tenxhere me ujë)
1/2 gotë me sheqer
300-400g biskota Savoiardi
kakao e hidhur për spërkatje në fund
Përgatitja:
Rrahim me rrahësin elektrik të verdhat e vezëve dhe sheqerin derisa të bëhen si shkumë, afërsisht pesë minuta.
Djathin Mascarpone e punojmë pak me pirun ose me lugë që të bëhet si krem dhe e shtojmë në tasin me të verdhat e vezëve. Vazhdojmë ta përziejmë me rrahësin elektrik një deri në dy minuta.
Bëjmë marengë me të bardhat e vezëve, i shtojmë tek tasi i kremit dhe i përziejmë me kujdes nga poshtë lart me spatula ose me lugë druri.
Rrihni me rrahës elektrik dhe hooplan dhe i përzieni të tri masat bashkë.
Biskotat i lagim tek kafeja e vakët (nuk duhet të qullen shumë) dhe i vendosim në tavë pranë njëra-tjetrës duke krijuar një shtresë, hedhim sipër një shtresë me krem, vazhdojmë me një shtresë tjetër biskotash me kafe dhe përsëri një shtresë kremi.
E spërkasim me kakao të hidhur.
E mbulojmë me letër alumini ose me qese kuzhine dhe e lëmë në frigorifer për një natë. Ju bëftë mirë!
Çokollata është një nga ëmbëlsirat më të dashura në botë dhe sot, më 7 korrik, feston ditën e saj. Pavarësisht nëse preferoni çokollatën e zezë, me qumësht apo të bardhë, kjo është arsyeja perfekte për t’i dhuruar vetes një...
Ashurja është një nga ëmbëlsirat më të dashura të traditës, me origjinë orientale, por e përhapur prej vitesh edhe në familjet shqiptare. Sot mund ta gjeni lehtësisht në ëmbëltore, por shija më autentike dhe kënaqësia e vërtetë vjen kur...
Ngrohni furrën në 175°C dhe lyeni një tavë pjekjeje (rreth 28×43 cm) me pak vaj. Përzieni mbushjen. Në një tas të madh bashkoni mishin e grirë, vezën, bukën, qepën, domaten, hudhrën, salcën e specit, mustardën, kripën dhe piperin. Përziejini...
Lini një koment