Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Fileto pule me spinaq e salcë beshamel. Tavë për të lëpirë gishtat!
Kombinim i thjeshtë, por që do ju bëjë ta 'fshini' të gjithë pjatën!
Ingredientët
- 1 kg spinaq
- 1 kokërr qepë
- 4 fileto pule
- ½ gotë verë
- 2 lugë gjelle vaj ulliri
- Për beshamelin: 2 lugë gjelle gjalpë, 2 lugë gjelle miell, 2 gota qumësht, 1 kokërr vezë, 100 gram djathë picash, kripë, piper, arrë moskat
Udhëzimet
1
Spinaqin e larë dhe të grirë e vendosim në një tenxhere, e mbulojmë me kapak dhe e lemë të ulë vëllimin.
2
Në një tigan hedhim pak vaj, spërkasim filetot me kripë dhe piper dhe i vendosim të marrin ngjyrë nga të dyja anët.
3
Më pas i shuajmë filetot me pak verë dhe i lemë derisa të avullojë alkooli.
4
Ndërkohë përgatisim beshamelin. Në një tenxhere hedhim gjalpin dhe sapo të shkrijë shtojmë miellin dhe e kaurdisim derisa të ndryshojë pak ngjyrë.
5
Shtojmë më pas qumështin dhe sapo masa të bëhet kremoze shtojmë vezën, djathin e verdhë të grirë në rende, kripë, piper të bardhë dhe arrë moskat.
6
Largojmë spinaqin nga tenxherja. Hedhim në tenxhere një lugë vaj ulliri dhe kaurdisim një qepë të grirë hollë.
7
Shtojmë më pas spinaqin, e trazojmë që të lidhet me qepën dhe më pas e vendosim spinaqin në një tavë të thellë.
8
Vendosim mbi spinaq filetot e pulës dhe beshamelin.
9
E spërkasim me pak djathë të verdhë të grirë në rende dhe e vendosim tavën në furrë në temperaturën 200 gradë Celsius për 25-30 minuta. Ju bëftë mirë!
Shënime
Receta marrë nga balkanweb.com
Lini një koment