Do e shijoni pa masë! Kjo është receta e tavës me fileto pule, kërpudha dhe pure patatesh

1.Lajmë patatet dhe i vendosim për të zierë të plota për 25-30 minuta. Presim fileton e pulës në kubikë mesatar dhe me pak vaj i skuqim për 10-15 minuta.

2.I largojmë nga tigani. Në po atë tigan kaurdisim kërpudhat dhe më pas qepën të grirë hollë për 10-15 minuta.

3.Shtojmë tek qepa dhe kërpudhat, 8 lugë gjelle miell, kripë dhe piper të zi. E përziejmë miellin për 1 minutë dhe shtojmë në tigan kubikët e filetos së pulës.

4.I trazojmë dhe i shuajmë me qumësht e lëmë të marrë valë dhe e largojmë nga zjarri.

5.Në një tavë qeramike shtojmë si bazë të gjithë çka gatuam në tigan e nivelojmë dhe e mbulojmë komplet sipërfaqen me djathë pice të grirë trashë.

6.Mbi djathë grijmë në rende nga ana më e trashë patatet e ziera dhe përsëri mbulojmë komplet sipërfaqen e tavës.

7.Mbi djathë e spërkasim me pak kripë dhe spec pikant në copëza. Vendosim tavën në furrë në temperaturë 180 gradë C për 30 minuta.

8.Pasi e nxjerrim nga furra e lëmë të bjerë temperatura dhe e servirim si pastiço të shoqëruar me sallatë.