Sugjerojmë:

Cili është zëvendësuesi më i mirë i sodës së bukës në gatim?

Të ka shkuar mendja për të ngrënë diçka të mirë dhe më në fund gjen vullnetin për t’u futur në kuzhinë e për të pjekur një ëmbëlsirë të shijshme. Nis të bësh bashkë përbërësit dhe më pas zbulon se të mungon soda e bukës… Si t’ja bësh?

Lajmi i mirë është se ka një përbërës tjetër që me siguri e keni në kuzhinë që mund të bëjë të njëjtën punë: Pluhuri pjekës!

Vetëm ka diçka që duhet të dini. Ndonëse të dy janë pluhura të bardhë që funksionojnë si fryrës në pjekje, soda e bukës dhe pluhuri i pjekjes funksionojnë në mënyra të ndryshme. Soda e bukës ka nevojë për një përbërës tjetër me aciditet si limoni ose uthulla për të bërë efektin e vet pa lënë shije. Pluhuri pjekës nga ana tjetër, është sodë buke me aciditet të shtuar, që domethënë se nuk ka nevojë për një përbërës tjetër me aciditet për të kryer funksionin e tij fryrës.

Por duke qenë se pluhuri pjekës nuk është aq i fuqishëm sa soda për fryrjen, do duhet gjithmonë të përdorni tre herë më shumë sasi. Pra nëse receta kërkon 1 lugë sodë, ju duhet të përdorni 3 lugë pluhur pjekës.

Lini një koment