Quhen ndryshe edhe ‘Bussolai Buranei’ dhe e kanë origjinën nga ishulli Burano. Emri derivon nga ‘busa’ ose ‘buca’. Forma e shkronjës ‘S’ ka ardhur më vonë, si një lehtësi në përgatitjen e tyre. Brumi i këtyre biskotave nuk shkrihet në qumësht ose çaj dhe për këtë arsye janë të shkëlqyera për mëngjes. Me këto biskota i siguroni vetes dhe familjes një mëngjes të ekuilibruar, prandaj po ju prezantojmë pa humbur kohë me recetën:
Sekreti për një brumë perfekt? Gjalpi duhet zbutur në temperaturën e ambientit dhe duhet të qëndrojë jashtë frigoriferit të paktën për 12 orë.
Përzieni të verdhat e vezëve me gjalpin dhe punojini sa më gjatë, më pas shtoni miellin e situr.
Aromatizojeni brumin me lëkurën e grirë të një limoni dhe vaniljen.
Përgatisni brumin dhe lëreni në frigorifer për të paktën 20 minuta.
Merrni copa nga brumi dhe me to formoni forma ‘s’ dhe forma rrethore. Brumi duhet të mjaftojë për rreth 40 biskota.
Vendosini biskotat në një tepsi ku keni shtruar letër furri.
Piqini në furrë të ngrohur në 170 gradë për 15 minuta.
Hiqini nga furra dhe lërini të ftohen mbi një skarë teli.
Ruajini në një vazo qelqi të mbyllur mirë.
Lini një koment