Me një mikser dore rrihni gjalpin dhe sheqerin në një enë të thellë. Shtoni vaniljen, vezët dhe i përzieni derisa të krijoni një masë kremoze.
Shtoni pluhurin pjekës, kakaon pluhur, kripën dhe gradualisht shtoni miellin. Vazhdoni ta rrihni masën me mikser dore.
Pas kësaj e ndani në dy pjesë, e mbështillni me qese kuzhine dhe e lini në frigorifer për të paktën 1 orë.
Nxirrni një prej masave nga frigoriferi dhe e shtroni me kujdes në tavolinën e punës. Duhet ta niveloni mirë. Pas kësaj e prisni brumin duke përdorur disa forma specifike biskotash.
I vendosni në një tavë ku keni shtruar më parë një letër kuzhine dhe i fusni në furrë për 10-12 minuta në temperaturë 180 gradë celsius. Pasi të jenë pjekur i lini për disa minuta të ftohen.
Po kështu veproni edhe me pjesën tjetër të brumit. Në një enë rrihni kremin e qumështit, vaniljen dhe sheqerin pluhur.
Më pas pozicionojeni kremin mes dy biskotave. Kështu veproni për të gjitha dhe në fund i shërbeni në pjata.
Pasi i keni mbushur të gjitha biskotat me krem, i lini biskotat oreo për 2 orë në frigorifer sa të forcohen dhe më pas i shërbeni. Shijojini!
Lini një koment