Për përgatitjen e salcës grihen kikirikët, hudhra, speci djegës dhe xhinxheri, në grirës elektrik. I hidhet nga pak ujë që të bëhet masa si pastë e butë.
Masa, së bashku me sheqerin hidhet në tenxhere dhe zihet për rreth 10 minuta në zjarr të ulët, pastaj lihet të ftohet. I shtohet lëngu i limonit dhe përzihet mirë.
(salca mbahet gati në frigorifer)
Ndërkohë ziejmë për pak minuta perimet (1 min spinaqi, 1-2 min karotat dhe 2-3 min barbunjat, bizelet dhe lakra). Hiqen nga zjarri dhe kullohen.
Skuqen në shumë vaj kubikët e tofut dhe pritet në feta veza e zier.
Vendosen perimet në tas, i hidhen sipër pak vaj kokosi, tofu i skuqur dhe fetat e vezës, salca e kikirikëve, qepët e skuqura dhe krupuk të fërguar anash. Ju bëftë mirë!
Lini një koment