Sallatë me finokë dhe patate

Finoku është një perime me një përmbajtje të ulët kalorike, e pasur me fibra, kripëra minerale dhe vitamina A,B,C,  ka efekte diuretike dhe favorizon tretjen, ja pse shpesh konsumohet i gjallë në fund të vakteve.

Një recetë e thjeshtë për t’u përgatitur që më përpara dhe për t’u konsumuar e ftohtë si sallatë .

Përbërësit:

• 2 finokë
• 4 patate të mëdha
• 2 lugë vaj ulliri e.v
• 1 lugë kafeje shafran Indie
• 1 lugë kafeje piper i kuq
• Kripë

Përgatitja:

Para si gjithash, hiquni lëkurën patateve dhe ziejini në ujë të kripur për 15 mnuta. Më pas pritini në feta patatet dhe finokët në copa. Vendosini në një tas dhe hidhuni kripë, vaj ulliri e.v , piper të kuq dhe shafran Indie. Përziejini mirë dhe lërini për 10 minuta të marrin shije.

Merrni tepsinë, shtroni letër furre në të dhe vendosni finokët e patatet. Piqini për 20 minuta në 180 gradë dhe lërini të theken edhe për 5 minuta të tjera.