Sugjerojmë:
Një pjatë e freskët dhe e shijshme që na sjell aromën e detit të Siçilisë.
Lani dhe thani domatet, pritini përgjysmë dhe lërini mënjanë. Hiquni bishtat specave të kuq djegës, pritini për së gjati dhe hiquni farat, pastaj pritini hollë.
Ngrohni vajin në një tigan, shtoni dy thelpinjtë e hudhrës pa i qëruar si dhe specat, duke i kavardisur për pak minuta. Pastaj shtoni copat e pulës.
Skuqini copat e pulës për 2-3 minuta për secilën anë në zjarr të mesëm, pastaj shtoni domatet, ullinj, kaperit dhe disa gjethe finoku ose kopër. Shuajini me verë, prisni derisa vera të avullojë, pastaj shtoni ujin.
Mbulojeni tiganin me kapak dhe vazhdoni zierjen në zjarr të ulët për 25 minuta. Pasi kësaj kohe shtoni disa gjethe të tjera finoku dhe vazhdoni zierjen pa kapak edhe për 15 minuta të tjera në zjarr të mesëm duke e përzier herë pas here. Pasi të mbarojë zierja, hiqni thelpinjtë e hudhrës, shtoni kripë dhe piper. Servireni pulën tuaj gati.
Lini një koment