Ushqimi është një dashuri më vete, pa të cilën e kemi të pamundur të jetojmë! Persona të ndryshëm kanë shije të ndryshme dhe sigurisht që edhe aktorja e famshme e Hollywood, Julia Roberts ka shijet e saj të veçanta.
Sipas informatave të saj, Julia pëlqen pafund çdo lloj ëmbëlsire me pjeshkë, sidomos tartë me pjeshkë.
Që të gatuani dhe ju ëmbëlsirë me pjeshkë si Julia, këtu gjeni recetën:
Në një mikser përgatitsni brumin e tartës duke shtuar miellin, gjalpin e ftohtë, sheqerin pluhur, pak kripë dhe vezën.
Miksojini derisa të lidhen, por jo shumë që të mos ngrohet gjalpi.
Hidheni brumin në një sipërfaqe të spërkatur me miell, krijoni një top brumi, mbështilleni me qese kuzhine dhe futeni në frigorifer për 30 minuta.
Pastroni dhe pritini pjeshkët në feta, spërkatini me sheqer dhe pak kanellë.
Hapni brumin me shpejtësi dhe vendoseni në tavën e tartës të lyer me gjalpë dhe të spërkatur me pak miell.
Vendosni pjeshkët rreth tavës dhe shtoni frutat e pyllit të cilave u shtoni vetëm një lugë sheqer në çastin që i vendosni në tavë.
Piqeni tartën për 25 minuta në 180 gradë.
Lini një koment