Midhje të mbushura me djathë parmixhano dhe hudhra

Ngrohim furrën në temperaturë maksimale ose mundësisht në opsionin grill.

Veshim një tavë të madhe të sheshtë me letër kuzhine dhe e lëmë mënjanë.

Hedhim midhjet në një tenxhere të madhe dhe i vëmë në zjarr që të hapen.

Kullojmë lëngun në një napë që të mbeten aty gjithë papastërtitë dhe e hedhim lëngun në një tas të madh.

Sistemojmë të gjithë midhjet në tavë duke u hequr guackën boshe.

Fusim bukën, majdanozin, piperin, hudhrat në një mikser dhe i grijmë imët.

Në një tas të madh hedhim bukën e aromatizuar, 3 lugë djath parmixhano të grirë, lëkurat e limonit, 2 kupa nga lëngu i midhjeve dhe shtojmë pak lëng limoni për shije.

Mbushim midhjet një e nga një dhe në fund i spërkasim me djathin e mbetur dhe vaj ulliri.

I pjekim në furrën e parangrohur për 15 min ose sa të marrin ngjyrë.

Shijojini me një gotë verë të bardhë.