Koha e përgatitjes: 15 minuta –Koha e gatimit: 25 minuta
Ingredientët
Baza e tartës: 200 gram brokoli
200 gram patate
120 gram djathë i verdhë
Kripë dhe piper i zi
Vaj për lyerjen e tavës
Mbushja: 100 gram brokoli
6 kokrra vezë
60 gram djathë i verdhë
1 qepë e vogël e thatë
1 domate
2 lugë gjelle krem pana
Kripë, piper i zi, rigon
Udhëzimet
1
Lajmë brokolin dhe 200 gram të saj i grijmë në rende. Po ashtu qërojmë patatet, i grijmë në rende nga ana më e trashë e rendes dhe i bashkojmë në një tas të vetëm.
2
Shtojmë në tas dhe 120 gr djathë të verdhë që shkrin, kripë, piper të zi dhe të gjithë këto përbërës i përziejmë mirë.
3
Lyejmë një tepsi me pak vaj dhe shtojmë në tepsi përbërësit që bashkuam. Nivelojmë bazën me fundin e një gotë, duke ngritur pak muret anësore të bazës së tartës me qëllim që të mbahet mbushja.
4
Vendosim tavën në furrë për të pjekur bazën në temperaturë 180 gradë Celsius, për 20-25 minuta.
5
Në një tas rrahim 6 vezë të plota.
6
Shtojmë tek vezët 100 gram brokoli në lule boçe të vogla, 60 gram djathë të verdhë pice, 1 qepë në kubikë, domaten të prerë në kubikë, 2 lugë gjelle krem panna, kripë dhe piper të zi. I përziejmë mirë të gjitha bashkë.
7
Nxjerrim tavën nga furra dhe shtojmë mbushjen e tartës. Vendosim përsëri tavën në furrë në temperaturë 180 gradë Celsius, për 20-25 minuta.
8
E lëmë tavën të ftohet 15 minuta, pastaj e shërbejmë. Shijojeni!
Shënime
Receta marrë nga shqiptarja.com
Realizuar më parë nga Zonja Vjollca
•Përveç gjalpit përbërësit e tjerë i bashkojmë në një tas dhe pastaj i hedhim në një tepsi ku lyejmë pastaj petët një e nga një. •Shtroni petë, hidhni gjalpin dhe mos i shtypni me presion petët. •Pjekja të bëhet...
•Pastroni gjethet e rrushit dhe vendosi në ujë të vluar derisa të ndryshojnë ngjyrë. •Shpërlajini me ujë të ftohtë dhe lërini të kullojnë, qe t’i keni gati për të mbështjellë japrakët. •Në fillim kaurdisni me vaj ulliri qepët dhe...
Në një blender, bashkoni lulelakrën, vezët, vajin e ullirit dhe kripën. Skuqni petullat në një tigan të nxehtë të lyer me gjalpë të shkrirë. Shërbejeni me salcë kosi👩🏼🍳 View this post on Instagram A post shared...
Lini një koment