Provoni një metodë ndryshe të gatimit të makaronave se nuk do të pendoheni!
Në një tenxhere me ujë e kripë zieni si zakonisht makaronat. I hiqni pak më përpara në mënyrë që të jenë aldente.
Në një tigan me pak vaj ulliri skuqni fileton e prerë në shirita të hollë. I shtoni kripë, piper. Pas disa minutash shtoni karotat e prera në kubik të vegjël.
Ndërkohë në një tas bashkoni vezët e rrahura, gjalpin e shkrirë, qumështin, pak arrë moskat dhe gradualisht miellin teksa i përzieni me një lugë druri. Mos harroni se mielli duhet të jetë tretur paraprakisht me pak qumësht të ngrohtë, pastaj t'i shtohet masës.
Merrni një tavë dhe shtroni në të makaronat. Tani i shtoni fileton e pulës me karotat.
Sipër i shtoni mbushjen që përgatitet dhe e niveloni mirë me lugën e drurit që të përhapet në mënyrë të barabartë.
Në fund i grini sipër djathin kaçkavall. E fusni në furrë për 20 minuta në temperaturë 180 gradë. Ju bëftë mirë!
Lini një koment