Supë pule me oriz dhe limon

Luftojini virozat e stines duke ngrënë mirë dhe veçanërisht duke konsumuar supëra të ndryshme çdo ditë!

Përbërësit: 

• 1 gjoks pule
• 1/3 filxhan me oriz
• 1 lugë gjelle vaj ulliri
• 2 karota të qëruara e të prera në copa të vogla
• 2 degë selino
• 1 spec të kuq
• 2 thelpi hudhra
• 1 degë trumzë
• 5 filxhan me lëng pule
• Lëngu dhe lëkura e 1 limoni
• 1 dorë borzilok i freskët
• Kripë, piper i zi për shije

Udhëzime: 

• Në një tenxhere me pak vaj, skuqni gjoksin e pulës për 2-3 minuta nga secila anë.
• Shtoni qepën, karotën, specin e prerë në copa të vogla, selinonë dhe i lini të gatuhen për 5 minuta.
• Më pas shtoni hudhrën, trumzën dhe i lini në zjarr për 1 minutë.
• Shtoni lëngun e pulës, gjethen e dafinës dhe orizin.
• Tani e lini supën të ziejë për 20-25 minuta.
• Largoni gjoksin e pulës me ndihmën e një piruni dhe copëtojeni imët në tavolinën e punës.
• Shtojeni sërish në tenxhere dhe i shtrydhni sipën lëngun e limonit. Shtoni gjithashtu edhe lëkurën e limonit dhe borzilokun.
• Pasi supa ka përfunduar minutat e zierjes shtoni kripë, piper për shije dhe e fikni zjarrin.
• Shërbejeni të ngrohtë dhe ju bëftë mirë!