Supë pule me brokoli

Në një tenxhere ngrohni vajin dhe skuqni qepën. Shtoni karotat, selinonë e prerë në copa të vogla, specin, hudhrën dhe i përzieni për 5 minuta.

Shtoni lëngun e perimeve dhe e lini supën për disa minuta në zjarr.

Pas 10 minutash shtoni gjoksin e pulës të prerë në copa të vogla.

Ndërkohë në një tas të vogël përzieni miellin me qumështin derisa të tretet dhe më pas ia shtoni supës.

Tani shtoni brokolin e ndarë në lule të vogla, kripë, piper dhe i përzieni mirë. E provoni me ndihmën e një piruni nëse është zbutur ose jo.

Pasi ta shikoni se supa është gati e hiqni nga zjarri, i shtoni sipër borzilok të freskët dhe pak piper të zi. Ju bëftë mirë!