Përgatitja e disa ëmbëlsirave, dekoruar me filozofinë e festës së Halloween-it. Bashkoju edhe ti në mënyrë simbolike 31 tetorit të frikshëm!
Ngrohni paraprakisht furrën në temperaturën 190 C.
Në mikser rrihni së bashku gjalpin me sheqerin. Shtoni vezën dhe vaniljen, vazhdoni t'i trazoni.
Hiqeni masën nga mikseri dhe bashkojeni me miellin. Filloni ta punoni deri sa të jetë formuar masa homogjene e brumit.
Hapni një petë brumi me trashësi 1 cm. Me anën e një forme Halloween-i filloni të prisni biskotat. Ose mund t'i prisni edhe thjesht në formë rrumbullake me ndihmën e një gote.
Vendosini në një tavë, ku keni shtruar më parë një letër kuzhine. I lini në furrë për 10 minuta.
Kujdes mos i piqni më shumë sesa duhet! Nxirrini nga furra dhe lërini të pushojnë për gati 5 minuta.
Për dekorin: Hedhim sheqerin pluhur në mikser, shtojmë ujin dhe e rrahim me rrahëse elektrike derisa të krijohet një masë e butë. Hedhim 3-4 pika ngjyrues ushqimor dhe e përziejmë edhe pak në mënyrë që ngjyra të përhapet mirë.
Dekorin e biskotave mund ta bëni sipas fantazisë ose duke u orientuar nga fotoja demonstruese në recetë.
Lini një koment