Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Cupcake të shijshëm me krem gjalpi. Receta nga Iva Tiço
Recetën për këto cupcake të shijshëm dhe shumë të lehta në përgatitje, kësaj radhe e kemi "rrëmbyer" nga Iva Tiço. Hidhini edhe juve një sy dhe pse jo filloni nga përgatitja...
Ingredientët
- Përbërësit për 12 kekë të vegjël:
- 120 gram miell për ëmbëlsira
- 140 gram sheqer
- 40 gram gjalpë në temperaturë ambienti
- 1/2 lugë çaji pluhur fryrës për ëmbëlsira
- një majë luge kripë
- 120 ml qumësht
- 1 vezë
- 1/4 lugë çaji pluhur vaniljeje
- Për kremin e gjalpit:
- 80 gram gjalpë pa kripë
- 250 gram sheqer pluhur
- 25 ml qumësht
- pak vanilje
- pak ngjyrues ëmbëlsirash
- Nevojitet edhe:
- Tabaka me format e cupcake-ve, letrat e posaçme dhe zbukurime me ngjyra
Udhëzimet
1
Ndizeni furrën e sobës në 170 gradë.
2
Rrihni në mikser ose rrahësin elektrik miellin, sheqerin, pluhurin fryrës, kripën dhe gjalpin me shpejtësi të ulët derisa përbërja të bëhet si rërë dhe gjithçka të jetë përzierë mirë. Pak nga pak shtoni gjysmën e qumështit dhe rriheni derisa të bashkohet mirë.
3
Në një tas tjetër hidhni vezën, vaniljen dhe pjesën tjetër të qumështit, përziejini për ca sekonda dhe shtojani përzierjes së parë. Rrihini në mikser për pak minuta derisa përzierja të jetë pa kokrriza.
4
Vendoseni brumin në format e veshura me letër, mbushini në dy të tretat e thellësisë. Piqini për 20-25 minuta, derisa të marrin ngjyrë të artë. Lërini të ftohen të tabaka përpara se t’i hiqni që të ftohen plotësisht në një enë tjetër.
5
Për të përgatitur kremin e gjalpit në fillim rrahim gjalpin dhe sheqerin në mikser me shpejtësi mesatare derisa të bashkohen plotësisht. Në një enë të veçantë bashkojmë qumështin me vaniljen, mund t’i hedhim dhe pak ngjyrues ëmbëlsirash.
6
E shtojmë lugë pas luge mbi gjalpin, që ndërkohë e përziejmë me shpejtësi të ulët. Pasi e kemi hedhur të gjithë qumështin rrisim shpejtësinë dhe e rrahim për së paku 5 minuta. Sa më gjatë që ta rrahim aq më i lehtë dhe si shkumë do të bëhet kremi.
7
Pasi të vendosim kremin mbi kekët e vegjël, i dekorojmë me perlat me ngjyra.
Shënime
Fotoja dhe receta marrë nga blogu: rozmarina.al
Lini një koment