1.Vendosim tiganin dhe 2 lugë gjelle vaj ulliri. Kaurdisim qepën deri sa të bëhet transparente. Shtojmë patëllxhanët të prerë në kubikë të vegjël.
2.Shtojmë hudhrat e grira hollë dhe i trazojmë për 2-3 minuta, shtojmë domatet e pastruara nga farat dhe i presim në kubik të vegjël. I trazojmë mirë dhe i shuajmë me verë të bardhë dhe e lëmë deri sa të avullojë.
3.Shtojmë kripë, piper të zi, pak kumin, borzilok.
4.Largojmë tiganin nga zjarri dhe e lëmë të ftohet pak në fund. Shtojmë në fund djathin e thërrmuar.
5.Byrekut me patëllxhanë mund ti japim formën që dëshirojmë. Mund ta bëjmë role, mund ti bëjmë trekëndësha ose thjesht shtrojmë 2 peta në tepsinë e lyer me yndyrë dhe pasi të kemi trazuar vezët me vaj e qumësht spërkatim petët në çdo dy petë.
6.Pasi të kemi shtruar poshtë 6 petë shtrojmë mbushjen dhe i mbulojmë me petët e mbetura (4-5 petë), duke i spërkatur përsëri në çdo dy petë.
7.Në fund spërkatim sipër, kryesisht anët. I mbledhim ato dhe vendosim tepsinë në furrën e parangrohur 190º-200º C dhe e lëmë byrekun të piqet për 25-30 minuta.
Lini një koment