Sugjerojmë:
Qoftet mund t'i bëjmë edhe me mishin e pulës. Ato do të jenë po aq të shijshme dhe të shëndetshme, sa keni dashur. Për t'u bindur filloni t'i gatuani me recetën tonë!
Filetot e pulës i grini imët dhe i kaloni në një tas. Bukën vendoseni në ujë paraprakisht për t’u zbutur, e shtrydhni, e thërrmoni dhe ia shtoni mishit të grirë.
Shtoni gjithashtu edhe djathin, majdanozin e grirë imët, kripën, piperin.
E punoni mirë masën dhe filloni e formoni disa qofte të vogla.
I vendosni për t'i skuqur në një tigan me vaj të nxehur luledielli.
Ndërkohë që qoftet skuqen, përgatisni salcën e limonit. Në një tigan skuqni gjalpin, shtoni miellin dhe i përzieni mirë.
Shtoni lëngun e limonit, ujin dhe e lini të marrë një valë.
Nga fundi i shtoni pak kripë e piper, shtoni qoftet dhe i trazoni lehtë.
I lini edhe për 10 minuta të tjera në zjarr sa salca të trashet dhe më pas i shijoni!
Lini një koment