Pasta me perime, shumë shije dhe ngjyra brenda një recete të thjeshtë!

1.Zieni si fillim makaronat me metodën e zakonshme në një tenxhere me ujë e kripë.

2.Lani dhe prisni kungujt në feta rrumbullake.

3.Domatet i prisni më katërsh.

4.Në një skarë, ose në pamundësi, në një toster vendosni kungujt. I piqni mirë nga të dyja anët.

5.Ndërkohë në një enë kombinoni domatet me mozarelën, kripë, vaj ulliri dhe borzilokun e grirë imët.

6.Pasi makaronat të jenë bërë gati, i kulloni dhe i kaloni përsëri në tenxhere.

7.Tani i shtoni sipër domatet e marinuara dhe kungujt.

8.I përzieni mirë. Nëse është nevoja i shtoni sërish pak vaj ulliri dhe borzilok. Ju bëftë mirë!