Si të përgatisni tullumba në shtëpi

Përgatisim sherbetin:

Vendosim në një tenxhere ujin me sheqerin dhe e vlojmë për 7 minuta, derisa te trashet pak.

Shtojmë lëngun e limonit, vaniljen pluhur dhe e lemë mënjanë që të ftohet plotësisht.

Përgatisim brumin:

Vendosim në zjarr mesatar një tenxhere dhe hedhim në të ujin, sheqerin, kripën dhe gjalpin e prerë në copa. E gatuajmë përbërjen duke e përzierë shpesh derisa gjalpi të ketë shkrirë plotësisht dhe të arrijë pikën e vlimit.

E heqim menjëherë nga zjarri.

Shtojmë të gjithë miellin dhe me ndihmën e një luge druri e përziejmë në zjarr të ulët për 1 minuë derisa të na formohet një top i madh brumi i cili fillon të shkeputet pak nga pak nga anët e tenxheres.

E heqim nga zjarri dhe e lemë brumin të ftohet për rreth 5 minuta.

Rrahim një vezë në një tas të vogël dhe e lemë mënjanë.

Rrahim 2 vezë të tjera dhe ja shtojmë brumit pak nga pak duke e përzierë mirë .

Brumi duhet të rezultojë i butë, pa kokrriza dhe i shndritshëm.

Nëse brumi është shumë i fortë, shtojmë edhe pak nga veza tjetër, apo nese rezulton shumë i butë, shtojmë edhe pak miell.

Brumi duhet të bjerë nga luga, por të ruajë formën e tij.

Nxehim në zjarr mesatar vajin e lulediellit për të skuqur tullumbat.

Për ti dhënë formë tullumbave, kemi nevojë për një xhep pasticerie në formë ylli.

E vendosim brumin brenda në xhepin e pasticerisë dhe formojmë tollumba rreth 5cm të gjatë të cilët i skuqim direkt në vajin e nxehtë.

I lemë të skuqen derisa të marrin ngjyrë të artë në sipërfaqe.

I heqim me ndihmën e një luge me vrima dhe i zhysim në shurup nga 2-3 duke i lënë për 2-3 minuta derisa ta thithin shurupin.

I heqim nga shurupi dhe i lëmë të ftohen plotësisht përpara se ti shërbejmë.