7 sekrete që amvisat duhet të dinë në përdorimin dhe gatimin e mishit
Recetat me bazë mishin janë më të preferuarat në kuzhinën ballkanike. Që mishi të gatuhet sa më mirë, pa humbur vlerat ushqimore, por edhe shijen e tij, amvisat duhet të kenë parasysh disa këshilla praktike.
Mishi dhe peshku duhet të lahen jo shumë kohë para gatimit. Nuk duhet të mbahen në ujë, pasi humbasin proteinat, kripërat minerale dhe kështu ulen vlerat ushqimore të tyre.
Mishi i grirë nuk këshillohet të shkrihet në ujë të ftohtë, por të mbahet në një tenxhere me kapak të mbyllur rreth 2-3 orë. Lëngu që del nga shkrirja mund të përdoret, sepse përmban proteina, kripëra minerale dhe vlera të tjera ushqimore.
Që mishi gjatë skuqjes të krijojë kore të bukur në sipërfaqe, duhet që para gatimit të fshihet me pecetë.
Trutë, para se të përpunohen duhet të vendosen 1-2 orë në ujë që t’u hiqet cipa. Para se të skuqen, duhet të zihen.
Qepa për qofte, nuk duhet të grihet në makinën e mishit, por në rende.
Gjatë skuqjes së mishit në copa, këshillohet që ena të mbulohet me kapak, pasi në këtë mënyrë avulli nuk del, por mbetet tek mishi duke i dhënë atij shijen e mishit të stufuar e jo të skuqur.
Mishi është i zier, kur ndahet lehtë nga kocka ose kur piruni hyn e del lirisht.
Për të rriturit që vuajnë nga intoleranca ndaj laktozës, konsumimi i qumështit të fermentuar mund të eliminojë ose të zvogëlojë ndjeshëm simptomat e këtij problemi. Studiuesit besojnë se mikroorganizmat e pranishëm në këtë produkt të fermentuar – i njohur...
Luleshtrydhet prishen shpejt, por me këtë truk të thjeshtë mund t’i mbani të freskëta për disa ditë më shumë: 1️⃣ Shpëlajini me uthull të holluar – Përzieni 1 filxhan uthull molle ose të bardhë me 3 filxhanë ujë dhe...
Nëse nuk keni një ndarës vezësh, ky truk i thjeshtë do t’ju ndihmojë: 1️⃣ Metoda e shishes plastike – Thyejeni vezën në një tas. Merrni një shishe plastike bosh, shtrydheni pak dhe vendoseni grykën mbi të verdhën. Lëshoni shtrëngimin...
Lini një koment