4 kombinime me produktet e kuzhinës që bëjnë mrekulli në trupin tonë!

Neps vjen sot me 4 ide të thjeshta për mirëmbajtjen e lëkurës suaj.

Këto produkte i keni në shtëpi, përgatitja e tyre s’ka kosto dhe mjafton të keni 5 minuta kohë. Në fund të fundit bëhet fjalë për bukurinë tuaj.

Mjaltë+ vaj ulliri= krem hidratues

Çfarë ju duhet:

• 1 lugë gjelle mjaltë
• 1 lugë gjelle vaj ulliri

Udhëzime:
I përzieni të dy përbërësit dhe i aplikoni në fytyrë. I lini të veprojnë për 15 minuta dhe më pas e shpëlani fytyrën me ujë të ngrohtë.

Mjaltë+ sheqer kaf= scrub për ftyrën ose trupin

Çfarë ju duhet:

• 1 filxhan mjaltë
• 1 filxhan sheqer kaf

Udhëzime:

• I trazoni të dy përbërësit mirë e mirë me ndihmën e një luge.
• Aplikojeni me ndihmën e një furçeje në zonat ku dëshironi.
• E shpëlani me ujë të bollshëm pas 10 minutash.

Vazelinë+sheqer i bardhë= scrub për buzët. Metodë e mirë për buzët e thara.

Mjaftojnë vetëm:

• 1 lugë kafe vazelinë
• ½ lugë kafe sheqer i bardhë

Udhëzime:

• I përzieni mirë të dyja dhe e fërkoni scrubin për disa minuta tek buzët.
• I shpëlani në fund me ujë të ngrohtë.

E verdhë vezë+lëng limoni= antiskuqje. Nëse jeni skuqur në fytyrë apo trup si pasoje e diellit, atëherë provoni këtë kombinim.

Ju duhet:

• 1 e verdhë veze
• ½ lëng limoni

Udhëzime:

• I përzieni të dyja dhe më pas aplikojeni tek zona e skuqur.
• Pas 20 minutash do të vëreni rezultatet e para./neps.al