3 receta për patëllxhanët e skuqur më të shijshëm që keni provuar
Patëllxhanët e skuqur, një recetë e shijshme që mund të shijohen si antipastë apo sallatë shoqëruese. Ka disa mënyra për t’i bërë ata sa më të veçantë dhe për t’i shijuar gjatë gjithë verës. Po ju tregojmë tri receta:
Patëllxhanë të skuqur në pastelë
Për të realizuar këtë recetë, duhen pak përbërës dhe shumë durim pasi duhen skuqur 4 ose 5 feta patëllxhanësh njëherësh.
Përbërësit:
2 patëllxhanë vjollcë rrethorë
Vaj luledielli
150 gr miell
150 ml qumësht
Pak kripë
Përgatitja:
Lani dhe thani patëllxhanët.
Në një tas përzieni vezët, qumështin dhe miellin me një rrahëse vezësh ose pirun derisa të merrni një brumë të hollë pa kokrriza (pastelë).
Shtoni kripën dhe vendosni mbi sobë një tigan ku keni hedhur vaj luledielli.
Pritini patëllxhanët në feta me trashësi 1 cm dhe kalojini në pastelën e përgatitur.
Skuqini në vajin e nxehur.
2. Patëllxhanë të skuqur të kaluar në bukë
Le të shohim si përgatiten patëllxhanët e skuqur të kaluar në bukë. Në vend të peksimadheve (bukë e thekur e grirë), mund të përdorni miell dhe për intolerantët, një miks miellrash pa gluten.
Përbërësit:
2 patëllxhanë
Vaj luledielli
2 vezë
Pak kripë
Bukë e thekur e grirë (peksimadhe)
Përgatitja:
Lani dhe thani patëllxhanët
Në një tas bashkoni vezët dhe përziejini me pirun derisa të bardhat e të verdhat të njëtrajtësohen me njëra-tjetrën.
Prisni patëllxhanët në feta me trashësi 1 cm dhe kalojini tek vezët.
Në një pjatë hidhni peksimadhet ose miellin dhe kalojini patëllxhanët e lyer me vezë derisa të mbulohen mirë.
Skuqini në vaj të nxehtë.
3. Patëllxhanë në shirita. Recetë edhe për të vegjëlit
Përbërësit:
2 patëllxhanë
Vaj luledielli
Sherebelë
Kripë
Miell
Përgatitja:
Lani, thani patëllxhanët dhe pritini në shirita me trashësi 1 cm.
Në një tas përzieni kripën, miellin dhe sherbelën.
Kalojini shiritat e patëllxhanëve tek kjo përzierje.
Skuqini në vaj të bollshëm duke i rrotulluar herë pas here.
1️⃣ Përgatitja e brumit Në një tas, përzieni vezët me Nutellën derisa të krijohet një masë homogjene. Shtoni miellin, pluhurin pjekës dhe kripën, duke e përzier ngadalë derisa të lidhen të gjitha përbërësit. 2️⃣ Pjekja Hidheni brumin në një...
1️⃣ Përzierja e përbërësve Qëroni bananen dhe hiqni tulin e avokados. Vendosini në një tas ose në një blender të vogël. 2️⃣ Blenderimi Shtoni qumështin e gjirit ose formulën nëse dëshironi një teksturë më të butë. Përdorni një pirun...
1️⃣ Përzierja e përbërësve Vendosni të gjithë përbërësit në një blender të fuqishëm. 2️⃣ Blenderimi Përziejini për 1-2 minuta derisa të krijohet një masë kremoze dhe homogjene. 3️⃣ Shërbimi Hidheni në një gotë të madhe dhe shijojeni menjëherë! 🔹...
Lini një koment