Tahini një nga recetat më të lashta të njerëzimit

Vendosim një tigan në zjarr mesatar dhe hedhim në të farat e susamit.

I pjekim mirë duke i përzierë shpesh derisa të marrin ngjyrë të artë, duke patur shumë kujdes sepse farat e susamit digjen lehtësisht.

Nëpërmjet procesit të pjekjes së farave të susamit, kremi i tahinit do të ketë një shije që i afrohet pak arrave.

I lëmë të ftohen plotësisht në një pjatë të cekët.

I vendosim farat e pjekura të susamit në një mikser elektrik dhe shtojmë 3 luge vaj ulliri (ose susami) dhe i grijmë derisa të formohet një krem homogjen.

Shtojmë akoma edhe pak vaj ulliri derisa të arrijmë trashësinë e dëshiruar.

E ruajmë në një kavanoz të mbyllur hermetikisht brenda në frigorifer për maksimumi 3 muaj.