Recetën e tagliateleve kësaj radhe, Neps e rrëmbeu nga shefi i njohur Renato Mekolli. Ju mund t'i përgatisni kollaj përmes 5 hapave, prandaj hidhini një sy recetës më poshtë...
Pasi kemi pastruar mirë perimet, i presim domatet e freskëta në 4 pjesë, presim hollë domatet e thara, grijmë qepën dhe hudhrat hollë.
Në një tenxhere vendosim pastën të ziejë dhe në një tenxhere tjetër fillojmë me përgatitjen e salcës.
Vendosim në tenxhere qepën, hudhrat, fileton e pulës të prerë në kube, domatet e thara, dhe i skuqim për pak minuta.
Më pas vendosim domatet qershi, piperin e kuq, kripën, piperin dhe borzilokun.
Pasi të kenë marrë shijen që ne duam, vendosim pastën në salcë, djathin e grirë, pak vaj ulliri dhe pak lëng nga makaronat e ziera nëse duhet.
Lini një koment