Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Supë kremoze me lulelakër. E lehtë dhe plot vlera ushqyese!
Kjo supë vegjetariane e ka origjinën nga Amerika dhe një racion ju jep vetëm 130 kcal. Përse të mos e provojmë?
Ingredientët
- 1 lulelakër e madhe
- 2 lugë gjelle vaj ulliri
- 2 lugë çaji shafran pluhur
- 1 lugë çaji xhinxher
- 1 qepë e grirë imët
- 2-3 thelpi hudhër
- 5 gota me lëng perimesh
- Kripë, piper të zi për shije
- ½ tufë majdanoz të copëtuar
Udhëzimet
1
Parangrohni furrën në 200 gradë celsius.
2
Merrni një tavë dhe vendosni një letër kuzhine.
3
Lulelakrën e lani mirë dhe e ndani në copa të vogla me dorë.
4
Sipër e spërkasni me kripë, piper, shafran, xhinxher. I shtoni vaj ulliri dhe i përzieni të gjitha bashkë me dorë.
5
I fusni në furrë për 25 minuta derisa të marin një ngjyrë kafe të artë nga të dyja anët.
6
Ndërkohë në një tenxhere në zjarr mesatar, skuqni qepën derisa të zbutet. Shtoni hudhrat dhe i përzieni për 1 minutë.
7
Tani shtoni copat e lulelakrës së pjekur, lëngun e perimeve dhe i lini të ziejnë. I përzieni vazhdimisht për gati 15 minuta.
8
I hiqni nga zjarri dhe sipër i kaloni një blender dore për ta bërë supën kremoze.
9
I shtoni pak kripë e piper për të rregulluar shijen, nëse ka nevojë.
10
Shërbejeni supën e ngrohtë me pak majdanoz të freskët sipër. Ju bëftë mirë!
Lini një koment