Si ta shijosh shtatzëninë edhe gjatë stinës së verës

Këtë verë je një mami e ardhshme në pritje të ëmbël? Atëherë je në artikullin e duhur…

Instituti i Shëndetit Publik ka ndarë disa këshilla të rëndësishme sesi ta shijoni shtatzëninë edhe gjatë stinës së verës.

Për t’u ndjerë të freskëta dhe të shëndetshme ndiqni sugjerimet e mëposhtme:

• Kryeni punët jashtë shtëpisë në mëngjes ose në mbrëmje kur temperaturat janë më të ulëta.
• Kur temperaturat kalojnë 30 gradë, qendroni brenda në ambiente me hije.
• Vishni rroba të lehta dhe me ngjyra të hapura.
• Pini sasinë e rekomanduar të ujit dhe lëngeve për të qenë të hidratuara.
• Kur lëvizni mbani gjithmonë me vete një shishe ujë.
• Përdorni një krem mbrojtës ndaj diellit, çdo ditë. Faktori mbrojtës duhet të jetë 20 e lartë.
• Bëni një dush shpesh, për t’u freskuar.
• Mbani këmbët lart për të shmangur fryrjen/ënjtjen e tyre.
• Minimizoni marrjen e kripës, që të shmangni mbajtjen e ujit në trup.
• Shtrihuni dhe flini rregullisht gjatë ditës.
• Kërkoni ndihnë në qoftë se ndiheni të lodhura kur gatuani, pastroni apo shëtisni.
• Kujdes në zgjedhjen e ushqimeve. Ato duhet të jenë të gatuara mirë dhe jo të lëna për një kohë të gjatë në diell.
• Rishikoni planet që keni. Në qoftë se nuk keni asnjë detyrë urgjente për të kryer, atëherë rrini në qetësi.

Ndaji këto këshilla edhe me mikeshat e tua, në pritje të ëmbël!/neps.al