Rosnica si kjo nuk keni ngrënë as në restorantet më të mira

Në një tas hidhni gjashtë lugë miell dhe pak kripë.

Rrihni dy të verdha vezësh dhe shtojini tek mielli.

Përziejini miellin me vezët me duar duke e shpërbërë me dy pëllëmbët e duarve.

Bëjeni këtë proces derisa i gjithë mielli të shndërrohet në kokrriza të vogla.

Më pas vendosini rosnicat në një tavë që të pushojnë për 20 minuta.

Pastroni pulën dhe ndajeni në copa.

Në një tenxhere, shtoni vajin e ullirit dhe copat e pulës për t’i skuqur për pak minuta nga të dyja anët.

Hidhni pak kripë dhe ujë derisa të mbulohen mirë të gjitha pjesët e pulës duke e lënë që të zjejë për 20 minuta.

Ndërkohë, në një tigan hidhni një lugë gjalpë dhe skuqni rosnicat derisa të zverdhen.

Shtojini në tenxheren ku keni pulën dhe lëngun e saj dhe vendosni sërish në zjarr për të zierë bashkë derisa supa të mpikset.

Sapo lëngu të jetë mpiksur dhe trashur pak shtoni hudhrat, lëngun e limonit, piperin e zi dhe hiqeni nga zjarri.

Kjo supë serviret e ngrohtë.