Patate të skuqura pa pikë vaji, por me ajër? Po, faleminderit
E kotë t’ju pyesim nëse ju pëlqejnë patatet e skuqura, sepse sipas një sondazhi të vogël që bëmë disa ditë më parë në Neps.al një pjesë e madhe e votuesve nuk u rezistonte dot, megjithatë kur kujtojmë se si zhyten në friteza plot vaj, apo ato kërcitjet e vajit deri në tavan kur i skuqim në tigan, bëjmë një hap prapa.
Megjithatë, edhe në këtë drejtim teknologjia nuk na ka lënë në baltë sepse ka shpikur ‘air fryers’ të cilat po përhapen me shpejtësi, së fundi dhe në vendin tonë.
Çfarë është një ‘air fryer’?
E thënë me pak fjalë, një ‘air fryer’ është një pajisje e cila i ngjan një minifurre dhe premton ushqimet të skuqura si në tigan apo fritezë, të thekura e krokante, por pa ato kalori shtesë.
Kjo gjë në fakt tingëllon një mrekulli, por çfarë mund të gatuajmë në to, a duhet të përdorim vaj dhe a e thithin ushqimet?
Si funksionon një ‘air fryer’?
Një pajisje e tillë përdor ajrin e tejnxehur dhe e konverton lagështirën në një ‘mjegull’. Dhoma ekstra e nxehtë lejon që kjo lloj nxehtësie e thatë të depërtojë tek ushqimet duke i bërë ato krokante, të thekura, por edhe duke u bërë ‘një banjë’ të vogël brenda në pajisje.
A kërkon përdorimin e vajit një pajisje e tillë?
Shumica e markave të këtyre pajisjeve, nuk kërkojnë vaj, por megjithatë, dy lugë çaji vaj do të përmirësojnë përbërjen dhe shijen e këtyre ushqimeve. Kujt i kishte shkuar mendja që do të vinte dita të skuqnim një tas të madh me patate vetëm me dy lugë çaji vaj?
Një lugë çaji vaj ka vetëm 40 kalori dhe ndihmon që t’i karamelizoni pak patatet dhe t’i bëni më krokante e të shijshme. Përveç patateve aty mund të skuqni edhe perime të tjera, kotëleta, krahë pule, etj./neps.al
Për të rriturit që vuajnë nga intoleranca ndaj laktozës, konsumimi i qumështit të fermentuar mund të eliminojë ose të zvogëlojë ndjeshëm simptomat e këtij problemi. Studiuesit besojnë se mikroorganizmat e pranishëm në këtë produkt të fermentuar – i njohur...
Luleshtrydhet prishen shpejt, por me këtë truk të thjeshtë mund t’i mbani të freskëta për disa ditë më shumë: 1️⃣ Shpëlajini me uthull të holluar – Përzieni 1 filxhan uthull molle ose të bardhë me 3 filxhanë ujë dhe...
Nëse nuk keni një ndarës vezësh, ky truk i thjeshtë do t’ju ndihmojë: 1️⃣ Metoda e shishes plastike – Thyejeni vezën në një tas. Merrni një shishe plastike bosh, shtrydheni pak dhe vendoseni grykën mbi të verdhën. Lëshoni shtrëngimin...
Lini një koment