Salatë me shalqi, djathë të bardhë dhe mente
1. Në një tas të madh, vendos kubet e shalqirit. 2. Shtoni sipër djathin e thërrmuar dhe gjethet e mentes. 3. Spërkatni me vaj ulliri dhe lëng lime. 4. Shtoni një majë kripë dhe pak piper të zi nëse...
Përgatitja
Patëllxhanët i presim në feta të holla dhe i skuqim lehtë në vaj ulliri derisa të marrin ngjyrë të artë. I lëmë mënjanë. Në një tigan tjetër, skuqim qepën dhe hudhrat deri sa të zbuten, më pas shtojmë mishin e grirë dhe e gatuajmë deri sa të marrë ngjyrë të artë. Shtojmë domatet e grira, kripën dhe piperin dhe lëmë përzierjen të ziejë për rreth 20 minuta derisa lëngu të avullojë.
Ndërkohë, përgatisim një salcë beshamel. Shkrimë gjalpin në një tenxhere dhe shtojmë miellin. E përziejmë derisa mielli të marrë ngjyrë të lehtë kafe. Shtojmë qumështin gradualisht duke përzier vazhdimisht deri sa salca të trashet. Më pas, shtojmë vezët e rrahura dhe e largojmë tenxheren nga zjarri.
Në një tavë për pjekje, shtrojmë një shtresë patëllxhanë, një shtresë mish dhe e mbulojmë me një shtresë tjetër patëllxhanë. Përsërisim derisa të mbarojnë përbërësit, duke e përfunduar me salcën beshamel. E mbulojmë sipërfaqen me djathë të grirë dhe e fusim në furrë të parangrohur në 180°C për rreth 40 minuta.
Shoqërohet me: Sallatë fshati dhe verë të kuqe. Konsumohet si drekë ose darkë e bollshme.
Komento