Sugjerojmë:
Një pjatë e dytë e shijshme, ëmbël dhe me aromë erëzash, ideale për t’u shoqëruar me oriz të bardhë basmati, shumë e lehtë dhe ekonomike, perfekte për çdo vakt. Mishi i viçit me presh dhe mollë është i thjeshtë për t’u përgatitur, pjatë tipike orientale dhe ka shumë sukses në tryezë.
Ngrohni 30 gr gjalpë dhe pak vaj në një tigan, së bashku me një lugë curry dhe skuqni mishin e viçit të cilin e keni kaluar në miell. Më pas hiqeni dhe shtoni preshin e prerë në feta dhe mollën e qëruar e të prerë në kubikë.
Skuqini për 5-7 minuta, shtoni përsëri mishin, shtoni përsëri pak curry dhe lërini të gatuhen derisa mishi të zbutet. Shtoni kripë e piper dhe 150 jogurt si dhe një domate të prerë ose disa pomodorini sipas dëshirës.
Vazhdoni gatimin edhe për dy minuta dhe shërbejeni.
Lini një koment